(含劇情內容)
尋晚終於睇左了
開頭冇睇直播係因為想等字幕檔
字幕組好快手呢~
而且唔駛睇廣告
太好了~
果然睇kazu的戲都係要準備一盒紙巾
一開始講泰之(nino)的生活很糜爛
好似活著都好似唔知為乜咁
佢個時仲未發生意外
仲可以靠自己生活
到佢發生意外了
走不動了
「俺の終わってる人生が...始まった」
(睇到佢自己係咁打自己隻右腳, 但對腳冇反應個下, 好心酸....作為觀眾嘅我, 都好認同佢個句「終わってる人生が...始まった」)
一下子要自己生活上大大小小的事都要人協助
真係好難接受
所以佢選擇放棄接受人地嘅幫助
連自己都放棄自己
咩復康運動都唔做了
直到與大ちゃん(福くん)成為朋友
一個患癌的小朋友
佢想得番半年命的大ちゃん變得堅強
所以希望佢睇到自己男子漢的一面，努力地做復康了
但佢仍然唔想人地幫自己
所以逞強了
希望快點獨立到可以自己照顧自己
在醫院裡同泰之一樣係下身癱瘓的タケヒロくん出院了
雖然在別人眼中對自己未來充滿希望
但佢o係認為可以交心的泰之面前講出自己的憂慮, 原來佢對自己的未來都冇信心
當泰之知道原來佢出院後揾到設計工作
覺得タケヒロくん根本恥笑緊泰之自己, 笑緊真真正正冇希望嘅自己
泰之媽媽因為太辛苦所以暈倒了
入左醫院
泰之知道媽媽係因為佢所以攪到咁
為左令媽媽安心
佢話自己一個可以了, 唔駛顧慮佢
媽媽第二日偷偷走了, 說著自己没有錢比醫藥費
(泰之一定諗其實媽媽真的打算放棄自己了)
泰之今次真係咩依靠都冇了...
加上タケヒロくん自殺前, 泰之冇聽佢的電話
佢覺得係自己累死左タケヒロくん...
一下子孤獨感加上罪疚感
佢終於選擇左自殺呢條路
既然都要死
佢都唔怕添別人的麻煩
本來好抗拒人地幫佢的泰之
這天都豁出去了
上樓梯、上電車、在電車中、下電車、上山．．．不斷都要人地幫
泰之數著被自己添麻煩的人目
去到平坦的路段, 泰之講左一句「這裡可以了」就自己推著輪椅去崖邊了
後面跟住一大堆擔心佢的人 (看到呢個畫面好感動)
大家心裡覺得很奇怪
點解一個坐輪椅的人, 没有帶行李自己一個上咁崎嶇的路黎到呢到
其實大家都估計到佢的動機了
但大家都没有直說
大家都希望可以令佢回心轉意
一個伯伯說人生很美好呀~
一位嬸嬸在唱歌
一位哥哥說後面的海豚表演很好看
另一位伯伯走上前問泰之在看海嗎
看夠了, 同我地一齊番落山吧
面對別人的關心
泰之講出自己的若惱，就係佢覺得自己冇未來
最後更終於請別人幫佢
「助けて．．．助けてください」
喊住咁講．．．
終於冇事下山了
相信這一刻駅長給他的熱茶真的能令他暖上心頭吧
到比counsellor邀請去參與group counselling
先知道小食店女員工久實的往事
在夜空下二人對話
久實的開朗形象，原來只是演戲，因為佢往事太悲傷，認為咁樣佢先至可以活下去
泰之反問久實兩條要佢自己反思嘅問題：「你自己獨處時，你會怎樣？」「没有人可以演一套能騙到自己的戲吧？」
「如果有一個同你有同一遭遇的人在你旁邊，你會跟她說什麼？」
泰之的心思真的很細密
counsellor從泰之對タケヒロくん的死呢件事上自責的反應
發現佢對人心很敏感
希望佢幫手counsel 一個女人
一個想自殺但被人阻止，為了不想麻煩到兒子，而在警局，醫院都没有講出自己真實名字的女人
原來那個人是泰之媽媽．．．
但他見到媽媽卻說「はじめまて」(初次見面)
希望聽佢講佢死去媽媽的事．．．
他說別人都問他為什麼媽媽會去自殺
她没有留下遺書，大家都唔知點解．．
就算真係有遺書，入面嘅可能都唔係真話
所以兒子代媽媽說因為自己下身癱瘓成為負擔，媽媽承受唔住去自殺了
對呀，死去的人都不能再說話呀，有誰知道她在想什麼
唯有活著的人罪疚地想原因呀
兒子喊出一句：「我没有被生出來就好了！」
(又另一個喊位 )
(泰之能說出媽媽的心聲嗎? 我想是的...雖然泰之媽媽說著不是這樣的...但我想是被說中了...泰之就是有看懂別人內心的能力)
(我想泰之一開始用「はじめまて」，是為了向她講述一個媽媽已死去的世界，令媽媽反思自己的內心世界。如果直接「如果你死了，其他人會這樣這樣想．．．」責怪她的意思就太重了
同埋佢仍然希望媽媽唔好顧慮佢 繼續一個人生活 所以繼續飾演冇血緣關係 初次見面的人)
泰之其後在街上遇見一對母女
母親面上有著傷痕
小女孩跟在母親的後面
這個情景和泰之小時候一樣
他希望幫助這對母女
自己故意裝從輪椅上跌到了
母親幫他
他連忙說謝謝 有你在實在太好了～
可能母親突然覺得幫到人 原來世界上也有人需要她 心裡不在冷冰冰了 所以哭起來了
又一次在星空下，泰之安撫著別人的心靈
求助雖然是很没面子 但不用死呀
只要有求助的心，願意幫助你的人還有很多
就像在神山山崖旁跟在泰之後面的人
雖然你當刻没有出聲救助，但當你需要有人拉你一把的時候，總會有人在這裡
現在泰之成為了那群人中的其中一個了
一套有好多メッセージ的SP
希望每個人看過後，都積極面對自己的人生
不要太負面
因為從來世界都不只你一個
除非你永遠封閉自己的心，否則這裡没有真正的孤獨，只有一股股的暖流
留言列表
