NINO~!~! 

お誕生日おめでとう~


============================================================

終於可以坐定定寫番個慶生文比NINO



NINO~ 生日快樂呀~~~~~



NINO~希望你日日都同嵐的MEMBERS們咁開開心心咁一齊~~



希望你飲多D阿媽靚湯~ 健健康康~ 養番好D個身子~



記得一開始識嵐的時候,五個之中最不太喜歡就係佢,因為覺得佢成日蝦蝦霸霸咁。但係識耐左之後,發覺佢真係一個好特別的人,慢慢地,成為我心目中,嵐之中的第二位。




好中意佢同LEADER成日一齊



點解呢~



好大程度係因為好中意佢同LEADER成日係度玩,兩個成個大細路咁,好得意~好羡慕佢地互相有個咁好,咁玩得的朋友。



我記得LEADER以前有個訪問話過NINO好似犬,我聽到笑左出黎,做乜話人似隻狗咁衰。原來係因為NINO成日會係佢身邊咁痴身。哈哈!




好中意聽NINO講嘢



有好多次都係



雖然詳細唔係好記得



但係我記得有好多次都有比NINO說話感動到



以前廿四小時個番講比MEMBERS聽的話啦



又會成日講D令人好有共鳴,又好有深度的說話



演唱會講感想個時



好羨慕佢講嘢咁叻



 



好中意NINO的毒舌



佢成日串MEMBERS都串得好精景,總係識揾位串一串人。話時話,佢個腦真係轉得好快~!



 



好中意NINO的招牌電人動作



配上音效,好似真係有粒星飛出黎,電力十足呀~!不過..其實我覺得搞笑多D~ 哈哈哈



  



好中意NINO識作曲



好有才華呀~乜樂器都識~如果我好似佢咁自學到就好喇~佢作個D歌好似全部都係慢歌(?)..個人都係中意慢歌多點~ 佢作個D都係我中意聽的類型!



 



好中意NINO的演技



第一次睇佢做戲好似係流星之絆



我覺得除左最後天台個PART,套劇唔係好多位比佢發揮佢的演技



之後睇其他戲,終於明點解D人成日話佢好演技。DOOR TO DOOR,馬拉松佢扮D有缺憾的人... 真係發揮得好好感情上外型上



FREETER又係好自然K房喊曬個段我呢個睇戲極少喊的人.. 都比佢攪到我又喊埋一份(雖然都係幾滴者…)



 



好中意NINO的眼神



好鬼中意佢的眼神..好似GANTZ入面咁..望住吉高的眼神,好認真時的眼神同外星人打時的眼神,受傷了的眼神等等~全部都做得好好..我諗呢一樣都係佢做戲咁叻的原因



我想話..佢地個MESSAGE FROM JAPAN,每次去到NINOPART,佢回眸個度,都比佢電一電佢影雜誌相又成日咁RO~~ 電電電電電電死人



  



好中意NINO個樣



佢五官都好靚~~~呢個唔駛多講啦~ 睇相啦~!



  



好中意NINO的歌聲



一向中意D音域廣D,唱得到高音又唔係用假音的歌手。嵐入面,LEADERNINO都係唱得到比較高音的人,可能佢地本身把聲都唔係好沉。BEAUTIFUL WORLD入面,我最最最最最最中意的就係NINO SOLOどこにでもある唄!真係好聽到呢我係咁LOOP係咁LOOP..尤其中意佢最後唱個PART~!



 



好中意NINO宅宅地



似我~! XD所以佢話點解自己係室內派的言論,我全部都好同意架!!



 



好中意NINO中意打機



似我~!!! XD



 



其實唔似係慶生文呀呵? 唔緊要啦~ 哈哈~ 個人風格麻~



 



BELATED HAPPY BIRTHDAY~!!!

arrow
arrow
    全站熱搜

    tracyarashi 發表在 痞客邦 留言(2) 人氣()